You Are Here: Home » సినిమా » పాటలు » కృష్ణ (2007)- అదరగొట్టు కొట్టు కొట్టు

కృష్ణ (2007)- అదరగొట్టు కొట్టు కొట్టు

పల్లవి :
అదరగొట్టు కొట్టు కొట్టు
బెదరగొట్టు బిడియాన్నే
చెదరగొట్టు కొట్టు కొట్టు విరగకొట్టు విరహాన్నే
మాంగల్యం తంతునా మంత్రాలే చదవనా
మొగుడల్లే మారనా మురిపాలే పెంచనా
ఈ మాత్రం చాలునా ఇంకా కొంచెం పెంచనా
ఈ మాత్రం చాలునా ఇంకా కొంచెం పెంచనా
ఈ మాత్రం చాలునా ఇంకా కొంచెం పెంచనా

చరణం : 1
ఆ… ఆ… నా చెంపలు నిమిరెయ్యవా
చెవి రింగువై
నా గుండెలు తడిమేయవా ఓ గొలుసువై
నా పైటను పట్టేయవా పిన్నీసు నువ్వై
నీ చీకటి కరిగించనా కొవ్వొత్తినై
నీ భయమును తొలగించనా తాయత్తునై
నీ గదిలో వ్యాపించనా అగరొత్తి నేనై
వే లే పట్టే ఉంగరమయ్యి
నాతో తిరిగే బొంగరమయ్యి
ఒళ్లే మోసే పల్లకివయ్యి
నన్నే దాచే పంజరమయ్యి
ఊ కొడుతూ చేరనా ఊడిగమే చేయనా
ఊపిరిగా మారనా ఊయలనే ఊపనా
ఈ మాత్రం చాలునా ఇంకా కొంచెం పెంచనా
(3)

చరణం : 2
నా దరికే వచ్చెయ్యవా అపరంజివై
నా దాహం తీర్చెయ్యవా చిరపుంజివై
నా నోటికి రుచులియ్యవా నారింజ నీవై
నీ వాకిట కురిసెయ్యనా విరిజల్లునై
నీ రాత్రికి దొరికెయ్యనా రసగుల్లనై
నీ యాతన తగ్గించనా వడగళ్లు నేనై
ఆరోగ్యానికి ముల్లంగివై
ఆనందానికి సంపంగివై
సంగీతానికి సారంగివై రావే రావే అర్ధాంగివై
ఉత్సాహం నింపనా ఉల్లాసం పంచనా
ఉమ్మా అందించనా ఉంగా తినిపించనా
ఈ మాత్రం చాలునా ఇంకా కొంచెం పెంచనా
(3)

చిత్రం : కృష్ణ (2007)
రచన : చంద్రబోస్
సంగీతం : చక్రి
గానం : వాసు, శ్రీవాణి

Clip to Evernote

Leave a Comment

Copy Protected by Chetans WP-Copyprotect.
Scroll to top